Eyjasigling

Yngsti farþeginn sem siglt hefur með Eyjasiglingu til þessa skrapp út í Skáleyjar á dögunum. Sú stutta heitir Vilborg Arna Jónsdóttir og er fædd 4. maí á þessu ári. Vilborg hjálpaði auðvitað til við skipstjórina á leiðinni út í eyju.

Mynd af myndasmið vefsíðunnar
- 10. júlí 2007

Flestar myndirnar á þessari vefsíðu eru teknar af sama manninum. Sá heitir Ingibergur Vilhjálmsson og er kokkur á Barmahlíð, elliheimilinu á Reykhólum, afleysingakokkur á Karlsey, skipi Þörungaverksmiðjunar, háseti á Súlunni hjá Eyjasiglingu, skútueigandi og að lokum húsasmiður á Reykhólum. Fjölhæfur maður eins og þeir þurfa að vera í fámenninu.

Fjör á pöbbnum í Flatey
- 8. júlí 2007

Það var mikið líf og fjör á pöbbnum undir Hótel Flatey á dögunum þegar Alli trúbador tróð þar upp, eins og meðfylgjandi myndir sýna. Alli er tengdasonur Jóa úr Skáleyjum.

Alli trúbador í góðum fíling

Axel og frú

Barinn á Hótelinu var þétt setinn

Fjölskylduvænn bar

Guðlaugur og Kristján frá Svefneyjum í hrókasamræðum

Matur og sigling
- 29. júní 2007
Nú er boðið upp á siglingu og mat í Flatey fyrir smærri hópa með Eyjasiglingu. Hér er um að ræða mjög skemmtilegar ferðir í tengslum við Hótel Flatey. Hafið samband við Björn og kannið málið í símum 849-6748 og 865-9968 eða eyjasigling@eyjasigling.is.

Hótel Flatey

Þýskir og austurrískir fuglaskoðarar
- 3. júní 2007
Fyrsti fuglaskoðunarhópur sumarsins var á Reykhólum í gær á vegum Ferðaskrifstofu Harðar Erlingssonar. Þar voru á ferðinni Þjóðverjar og Austurríkismenn og fór Björn skipstjóri að sjálfsögðu með þeim í leiðangur í gær.

Áætlunarferðir hefjast þetta sumarið
- 1. júní 2007
Björn Samúelsson á Reykhólum hóf siglingar með ferðamenn í Skáleyjar, Hvallátur og Flatey á Breiðafirði þann 1. júní þetta árið og siglir út ágústmánuð. Björn hefur siglt út í Skáleyjar frá árinu 2003 og er með bátinn Súluna sem tekur 19 farþega. Siglt er frá Stað á Reykjanesi (í grennd við Reykhóla) og tekið er á móti bókunum í símum 849-6748 og 865-9968 og tölvupósturinn er eyjasigling@eyjasigling.is.

Brottför: Miðvikudaga, laugardaga og sunnudaga (1/6-1/9 2007). 7 manna hópar og stærri geta farið aukaferðir utan þessa tíma, eftir samkomulagi.
Tími: Miðvikudaga kl. 17:00, laugardaga og sunnudaga kl. 16:00
Lengd ferðar: 3-4 klukkustundir.
Innifalið: Bátsferð og leiðsögn.
Verð: 4.500 kr. -

Vefsmiður á Ströndum
- 1. júní 2007
Allir almennilegir ferðaþjónar hafa sína eigin heimasíðu og er Eyjasigling þar engin undantekning. Til að koma síðunni upp var fyrir skemmstu ráðinn vefsmiður sem búsettur er á Ströndum, galdrakarlinn Jón Jónsson sem á og rekur fyrirtækið Sögusmiðjuna. Mottó Jóns í vefsmíði er að það sé innihaldið sem skipti mestu máli og það eigi bæði við um heimasíðugerðarmanninn og vefsíðuna sjálfa.

Eyjasigling
Björn Samúelsson, Reykhólum
símar: 849-6748 - eyjasigling@eyjasigling.is

Ljósmyndir á síðunni: Ingibergur Vilhjálmsson

Reykhólahreppur - best varðveitta leyndarmálið!